آزرً||🍂

بعيدة ولايتك والصدفة دگت باب واجيت ومن لگيتك وجهك مسرگة مِن عدها وعرفت بنشغة المكتول وشتعوف الرصاصة حرورة بالتفگة مِن اموت برودتك خليها عالتابوت وبيدك كون نعش جنازتي تطبگة وخليلي دمعتك عالگبر نيشان خاف بجفن گبري دموع ما تلگة وخاف يمر وكت وتزورني مِن بعيد تدليك بمكاني حرورة الشهگة _علي رشم

لگينا بذاكرة عشرتنا منجم اصعب موقف بلحظات الوداع من تشوف الچنت تبني تهدم من تقوي گلبك وأنت مجروح ممهتم تبين وأنت مهتم من تبتسم بس بداخلك نوح الدموع بباب عينك سكتة تلتم تضطر تمشي ولكن أنت مكسور عزة نفسك تبررلك الهم وراها تعيش لكن گلبك يموت _أيهاب المالكي

أمس زرت السوالف والمواعيد بعدهن ع الجسر كلشي بمكانه خطواتَك لهفتك عرگة الايد خوفَك لا عيون اتطب سِمانا ونار اشواگنه الما تقبل تهيد وبير دموعنة وصحرة لقانه انت گبال عيني وچنَك بعيد اكيد ويَّ البعد يكبر هوانه وچفوفي ورگ غطة العناگيد ولهينة ارواحنة ودارت رحانه وصيني قبل لا أروح شتريد گتلة الليل لا يخنگ ضوانه وشوصيها السنابل ع الحواصيد !؟ لو اوصي الجرح يلچم دوانه !؟ لو اوصي العطش بالصيف ليزيد وصية وغيرها وخلنة بعمانا ب…

يا حسين لهسه طافح بينه خيرك گطعوك ولملمت دنيا بضميرك _احمد العبيدي

هاي الايام العشره ماتنكتب خلونه نبجي واخذوا منه الشعر نزلولي راس حسين من الرمح واني اضمنلكم دمعه من العمر خنسولف بكعداتهم والذبح اول وتالي يصير بس انتظر هذا ابو فاضل واكف اعله النهر ابتسم وحده الليل صار الفجر _حيدر الطفيلي

من ذبحتوا حسين بجيتوا الشمس بس خيال حسين يشتم الهوى ومن بجت عين الشمس ضوّة ظلام وكلشي صار اخيال واحسين الضوى _مظفر النواب

وشلت صورتك صوت ورحت اگل للناس هذا حسين هذا حسين بهذا العطش خضرت شجره التاريخ اعطشو ولاتذلكم سطوة النهران هذا حسين هذا المن عرف دمه درب للشوف وگف جوه الشمس ريحان لتخافون ذمه السيف برگاب التدلي الناس وهنياله اليحط برگبته نيشان لتخافون هذا حسين صحت ياناس هذا حسين ولا واحد عليه اندار _صفاء الصمت

يابو فاضل اسمك نشودة محبه وضحكتك لمة عصافير الصبح ليش ماكتبوك عاشك ياحبيبي وكتبوا الدم والذبح اني اعرفك فارس شضايف حجيهم خل يشوفوك سلام تعيش بيهم يابو فاضل حتى لاتتاذه زينب ما اكتبك عالرمح انت عالي وماتطيح شما كثر حجي النهر شوكت ما اشتاك اذكرك غشمه اليذكروك بس هذا الشهر يابوفاضل هو مو ياهو اليجي يسموا كمر _حيدر الطفيلي

ملتمين لكن ماكوو أنت ومنو اليترس مكانك يل تركته _أحمد الغريب الرحمة والمغفرة لجميع شهداء العراق في كل جيل وفي هذا الجيل ، ولعنة الله على المعتدين

يابو فاضل انت وين ردت تستر شوف دنيا وغمضت وانطيت عين وانت وين ردت تحفض ماي وجه الريح يمك كبرت وانطيت ادين هاي كلها وبعدك بطولك يمن طولك حسين _عباس الغالبي

غمض عيونة الجرح يحلم يطيب شاف روحة مراية گابلها جرح وشاف شوكة الليل عافة بكل مكان حضة عاثر جابها بعين الصبح ابيض شراع السفينة شگد جبان گبل لا يبحر رفع راية صلح _ميثم فالح

أنفاس البشر خطوات للتابوت بعد ماضل عمر يستاهل اتوسل سمير صبيح