شعري

يلي انت عامل معلم قولي يامعلم دي غيرك درسها كتب وبرضو ماتعلم يامعلم الأدب اولا بعد منه يجي المال زله لسان تصقطق من عيون الرجال واعلم بأن الرجال مابتتقلش بمال لو انت تقل الجبل علي الرمل ماتعلم

ازاي نتوه في البلد ياولد واسمنا معروف دي الود لو ينقطع ياولد يوصله المعروف والي يصون الوداد جوه الفؤاد معروف يازارع المعروف ازرع كمان وكمان ويا الخسيس يتنسي مع الأصيل معروف

أصعب وجع إنك تدي من قلبك لحد ويجي يوم تكتشف إنه ماكنش شايفك أصلًا أو يمكن كان شايفك بس ماكنتش فارق معاه إنك تبقى موجود جنبهم في كل لحظة وتيجي لحظة تبقى محتاجهم فيها وما تلاقيش غير سكوت وظهورهم ليك

أصعب حاجة لما تبقى بتدي كل حاجة لحد وفي الآخر تكتشف إنك كنت مجرد محطة عبور في ناس بتبقى أنت ليهم كل حاجة وفي لحظة تبقى ولا حاجة عمرك فكرت إن في حد ممكن يضحك معاك ويشاركك يومك وهو في الحقيقة بيخطط يسيبك في ناس بتسيبك بدون أي سبب وكأنك ما كنتش فرق معاهم ولا لحظة الأصعب مش الفقد الأصعب إنك تبقى لسه عايش الذكريات وكأنها لسه حقيقية الوجع ساعات بيجي من التفاصيل الصغيرة اللي ما بنشوفهاش غير لما نبقى لوحدنا

تخيل تبقى عامل كل حاجة عشان الناس اللي بتحبهم وفي الآخر تبقى أنت اللي مالكش وجود في حياتهم أصعب حاجة لما تكتشف إنك كنت خيار احتياطي في حياة حد كنت شايفه هو أول وآخر اختياراتك في ناس بتعرف تسيبك من غير ما تبص وراها، وأنت مش عارف حتى تاخد نفسك من غيرهم الوجع الحقيقي لما تبقى بتحارب لوحدك عشان حاجة كان المفروض نحارب عشانها سوا أكتر حاجة بتكسر لما تحس إن وجودك أو عدمك في حياة حد واحد وكأنك مكنتش

رمضان هلّ والنور بان ✨ وأنا في الغربة وحدي حيران نفسي في حضن أهلي أبات وأفطر معاهم بعد الصيام صوت الآدان بيهزّ قلبي ويفكرني ببيتنا هناك لمة حبايبي، ضحكهم جنبي ونور الفوانيس في كل سواق يا ليالي الخير، روحي ليهم وصبّري قلبي، طمني روحي قوليلهم إني بدعي ليهم وأمنيتي أرجع، أشوف وشوحي رمضان كريم، بس ناقص حاجة أهلي، وحضنهم، وأجمل صحبة يا رب لمّ الشمل بسرعة وتفرّح القلب بعد الوحشة

اخواتي دول عزوه وضل وحنيه وفي وسطهم هاجر احلي هديه بنت القلوب الطيبه والكلمه الحلوه ضحكتها تفتح في الدنيا الف غنوه حبيبه يا روح البيت وسر الضحكات وجودك معانا بيطمنا في كل اللحظات هاجر اسمك غالي بينا محفور كل واحد فينا شايل ليكي شعور اخوات في الدنيا وسند في كل خطوه وفي وجودك حياتنا دايما حلوه حبيبه يا ضحكه الصباح معاكي يزول كل جرح وجراح فيكي لقيت الاخت والفرح والافراح وكل دعوه مني ليكي بالنجاح هاجر يا نجمه الليل ف…

الموت حقيقة مالهاش هروب كلنا عارفين إنه جاي بس مش عارفين إمتى ولا فين الموت بيعلمنا إن الدنيا دي مش مستاهله وإن كل لحظة فيها غاليه في ناس بنفقدها وبتسيب في قلبنا فراغ كبير، لكن ذكراهم بتفضل معانا زي نور بيرشدنا في ظلام الأيام في الآخر الموت مش نهايه هو بدايه لحياه تانيه وربنا وحده اللي عارف تفاصيلها زي ما بنقول : الفراق صعب بس الامل في لقاء تاني بيخفّف الوجع ويارب اكتبهالي عاجلا 🖤.

القلب المكسور يا صاحبي زيه زي الضلع المكسور لا تقدر تضحك من الوجع ولا تقدر تشتكي لحد تفضل ساكت والوجع واكل فيك حتة حتة لحد ما الزمن يشفيك يا يمحيك كسر القلب يا صاحبي ما ليهوش جبس يلمه، ولا دوا يداويه يوجع في السكات ويكوي الروح نار واللي ينكسر مرة عمره ما يرجع زى الأول يفضل فيه شرخ مهما طال الزمان كسر القلب يا ولد عمي زي الجرح اللي ما يطيبش يوجعك في عز ضحكتك ويخليك تاكل الوجع بسكات واللي ينكسر قلبه حتى لو قام على رج…

رمضان شهر الخير والبركة بس ساعات بيكون صعب على الواحد لو الظروف مش مساعداه أو النفس مش مهيأة ليه مش كل الناس بتحس بفرحته بنفس الطريقة وأوقات الضغوط أو الذكريات بتخلي الواحد مش قادر يستقبل الشهر زي غيره بس حتى لو مش حاسس بيه، ممكن تلاقي فيه لحظة هدوء أو فرصة تريح بالك بعيد عن كل التوقعات اللي الناس بتحطها رمضان مش بس صيام وصلاة هو مساحة شخصية كل واحد بيعيشها بطريقته حتى لو كانت مشاعره متلخبطة

العيد جه وأنا لوحدي والفرحة في القلب غايبة الناس بتهني وتضحك وأنا حكايتي صعبة شارع مليان ضحك وهزار وأنا ماشي وسط الزحمة كل واحد مع حبايبه وأنا بسلم علي الجرحه العيدية في جيب العيال والضحكة ماليه العيون وأنا بدور علي الكلام يمكن تواسيني الطيور اللمة على السفره حلوة والكحك ريحته في البلكونة وأنا في شباكي واقف بلم ذكرياتي المركونه بس يمكن بعد الوحده تشرق شمس الفرحه يوم وألاقي حد يقاسمني ضحكة تداوي الهموم ومهما…

العيد جه وأنا مكسور ووجعي مالي قلبي ودنيتي الناس فرحانة وبتغني وأنا دمعي بيسبق بسمتي الدنيا لابسة الجديد والزينة مالية الشوارع وأنا لابس هموم السنين ووجعي بينزف في الضلوع يا عيد إيه جابك ليا ما أنا خلاص نسيت الفرح قلبي مجروح من الحياة وحلمي طافي من كتر الجرح الشارع مليان زغاريط وأنا واقف فـي نص الطريق كل واحد في حضن حبايبه وانا حضني فاضي وضيق كان نفسي أضحك زي زمان والبس جديد وأقول أنا بس الحزن مالي الحيطان و…