مُختصر كلامِي

نفر؟

تخرجنا 🎓.

بتوصل مرحله فحياتك انه مش حيهمك شي خاطي الابتعاد عل الهموم والمشاكل وتقعد تبي راحه من دماغك وتفكيرك ومن ذكريات وبتوصل لدرجة انك تقعد جاهز تخسر كلشي من مكان يكون بس عشان تريح روحك وتعيش فسلام وبتجيك لحظة ادراك أنه راحه بآلك أغلى من أي علاقه أو موقف وأنك معش تقدر تضيع طاقتك ع الناس أو مواقف مش متساهله وتوصل لمرحله بعد ما تستهلك محاولات وتكتشف انك تعطي اكثر مما تاخذ وقتها بتقعد تختار روحك اولاً وف نهايه تفهم انه الأهم …

مدرعنه كلامي ينفهم ولالا مهم نشوف انه المشاعر مفيهنش نقاش يعني متلومش شخص ع حزنه وضيقته وأسباب انطفائه حتى لو كان موقف تشوف فيه انت تافه وبسيط انت تشوف الموقف هضا من زاويتك وهو يشوفه من زويته انه سبب يوجع ويقهر ودوبنه هوا مقتنع أكيد المووضوع واجعه جديات متجيش انت تقلل من تكبيره للمواقف وتجي تقوله موضوع مش مستحق زعل هضا كله محد يقدر يعيش مشاعر حد لأن محد يعرف ش الظروف لي مار بيها طرف ثاني واللي انت تقدر تمشيه بسهوله غ…

احيانا تكتشف انه العتاب ملش فايده مش لان الكلام ميوصلش ولا انت مقصر لالا عشان طرف الثاني أصلا مش فارق معاه فاختصر ع نفسك اللي مش مقدر وجودك مش حتفرق معاه كثرة كلامك ولا بتغيره كثرة رسائل ولا العتاب حيوقضه مش كل حد يستحق تشرحله شن صارلك وشن حسيت ولا يستاهل تعب تفكيرك مُختصر كلامِي اللي يهمه يبان واللي مايهمه اول ما تكبر بعينه يصغر قدامك .

الناس ل بتعاملك بشكل شين مستحيل ترد تعاملك بطريقة كويسه فجأه بس عشانك ضحيت عشانهم بعض الناس تعرف تاخذ بدون ما تعطي هما هكي مرتحين بعطائك ولطفك معاهم وتضحياتك لي ملهش نهايه وبدال ما يبدلوك نفس مووضوع ويقدرو لا قعدو يتوقعوها منك بس يعاملو عطائك كاننه فرض عليك لازم يطلع منك انت بس ديما قاعد متنشغلش عليهم ديما معاهم الناس ميتغيروش عشانك تقدملهم الكثير بكل بساطه يتغيرو إذا كانت عندهم رغبه فشي هضا لان مرات حاجه فيك من جوا …

فالسنه جديده ياريت محد "يباااالغ" لا تبالغ ف جميع حاجه بتقولي كيف لا تبالغ ف الثقه لا تبالغ ف المدح حتى ماتبالغ فحب الأشياء ومتكبرش حكواتك ع الناس سوا صاحب ولا غيره يعني بأختصار ما تعطيش حد اكبر من حجمه نحنا مرات نبالغ بالعطي نبالغ بحب الغير ونبالغو حتى فالتفكير والقلق فكر فيها أشويه واستوعب انه مفش شي يستحق هضا كله مُختصر كلامِي بالغ بحسن ظنك بالله بس .

لما جيت نحكي ونفضفض لشخص لي كنت نحسابه مخالف ع باقي نحسابه ضهر وسند ندمت ندمه شينه كنت نحساب شخص هضا حيسمعني لما الدنيا تلف نمشيله بدون تفكير ونحكيله كل لي واجعني وبعد ماحكيت جيت ف آخر الكلام استنيت ردة فعل بسيطه بكل كلمة نظره اي حاجه تدل ع انه فاهمني بس لقيت رد فعل بارد ردة فعل عاديه جدا وأقل من العادي وقتها زعلت مش عشانن ماقالش كلام يريحني ولا عشان ماقدميلش حلول لالا زعلت عشان حسسني انه مش مهتم ومفهمنيش ولا حتى حاو…

متقدرش تحكم فجميع جوانب حياتك في حاجات واجد مش في نيتك يصيرن انت تحاول وتتعب وتجتهد لكن النتائج مهيش بيدك متلموش روحك هكي طبيعة الحياه أنا نشوف ان الواحد بعد تمر عليه فتره طويله من العطاء والمرجاه والعتاب والفرص ل راحن منه تصيرله حالة جمود شينه توصله لمرحله انه مستحيل يرد زي قبل فيقعد معش يستنا الحاجات لي كان مستنيها يقعد غير مبالي بلا تأنيب ضمير يقعد يبي نفسه وبس مُختصر كلامِي هذي تجربه بس نبشرك انه افضل مرحله تجي …

أنا شخص يعذر بس منقبلش تجاهل بكل أنا منش ضد التأخير ومستحيل نزعل لو حد غاب فتره نتفاهمك ونحطلك مليون عذر بس شعوور تجاهل هذا الشي الوحيد لي مقدرتش نتقبله منقبلش لما نحس بأني ثقيل ع حد وفعمري مانطلب شي المفروض يجي من نفسه سمحه لما تفهمي بدون مانشرح تسأل تهتم التجاهل نشوف فيه مهوش سكوت هو غياب حضور غياب الإحساس هوا أنك تكون قاعد بس تحسسني اني مش قاعد المشكله اني نرد نحكي معاهم بنفس الحماس بعدين تجيني لحظه إدراك مُختصر ك…

أنا مستحيل نتغير ع شخص عشاني اني مليت منه ولا اني لقيت حد اخره خش حياتي أنا مانتغير إلا إذا تغير أسلوبك معاي وتغيرت مكانتي عندك وقعد وجودي وعدمه واحد شعور اني نعطي ونوفي وندير كل شي وانت مش حاس وراد هضا كله بالأهمال وقتها بيتغير كل شي قد ماكانت مكانتك عندي مُختصر كلامِي أنا منتغيرش إلا إذا غيرت أسلوبك معاي .

كنت نحساب انه اللطف ينرد باللطف وان حسن النيه يُثمر حسن نيه لكن بعد مواقف وتجارب عرفت ان الناس يتعاملوو معاك وفق طبيعتهم مش بلي تقدمه لهم حيفهموك كيف مايبو ويعاملوك زي ما يعكس داخلهم مش بلي تستحقه ومع الوقت حتعرف وتستوعب ان الأفعال اصدق من الكلام بواجد والحسن نيه بتاعك هضا مش حيفيدك لكنه يخلي قلبك نظيف الصدمه هذي مش معناها توقف ع الطيبه لا تعلم تحط حدود مُختصر كلامِي نضج لا يعني ان تفقد نقاءك بل ان تحميه .