﮼سَـعد الشَّحَمي .

اللي ينشدك قولي بكيت مريضه خير من قصص واجد وفيه قريضه .

موش كل حد ياصاحبي تشكيله ؛ والمشكى لغير الله راه اهبال ؛ ربك العالي هو اللي تدعيله ؛ يفك ضيقك وقتن ايضيق البال ؛ والناس شايله ما من اهموم ثقيله ؛ فيه اللي يضعف وفيه اللي حمّال ؛ ولا تقول حملي ثقيل كيف انشيله ؛ وراك تقول ضاق بيا الحال ؛ ادعي المولي وصيمله وصلّيله ؛ صلاة راكحه ما هيش بستعجال ؛ والصبر زين ما هناك مثيله ؛ او وان الشدايد يفرقو لرجال ؛ توكل علي ربك كل هم ايزيله ؛ راه كل عقده عندها حلاّل ؛

امواطيات نظرهن ؛ وجاحدات ع الناشد أسباب كدرهن ؛ كمين ظرف صاعب للخلا دافرهن ؛ طربهن الظاهر عكس ما في الباطن ؛ ف أياما وهو صافي صحيح بحرهن ؛ هن والزهاء ما عمر يوم تخاطن ؛ واليوم وين ما مال الزمان غصرهن ؛ وعافن عديم الفكر واللي فاطن ؛ نظرهن واطن ؛ من عدة ظروف اصعاب بيهن حاطن ؛ بعد دلال سبحانه ؛

يعلم الله الوقت فيه اغلبنا ؛ وماعاد فينا حيل ملي جانا ؛ صغار سن لكن مالمواجع شبنا ؛ ولنا زمان وفاقدين زهانا ؛ ديما زعاله وما العذاب اتعبنا ؛ وكل ليل ما تسمع مغير ابكانا ؛ کمین ضربه واعره انضربنا ؛ وعالق معانا الحزن ما يخطانا ؛ وضايعين خط الموت شوره اقربنا ؛ وناصبين من بدري اخيام عزانا ؛

صغير غير قراني هذاك الشايب ؛ دروس فالحياه مازلت نذكرها ؛ ساعتّه ونا عيل ودوبي طايب ؛ حتى البندقه يادوبني نشمرها ؛ اياماً وهو كان الغزال جلايب ؛ وشكيع برقها ساعة اطياح مطرها ؛ صحيح قالي راه الزمان قلايب ؛ والدنيا انمالت من اللي يقدرها ؛ قديمه اتوري كل يوم عجايب ؛ للناس غير ما حودد طويل جررها ؛ وتبرم و تجبد مالغريق غرايب ؛ وان عمرك طويل اتشوف كل صورها ؛ لا اترافق العايب رفيق العايب ؛ وانکان درت ما تشكر اللي دايرها ؛

في طبع كي ناخذ قرار انديرا ؛ ومازلت كي ننوي الجفاء نجفاكم ؛ موش نا لي نرضى بها التصغيرا ؛ موش نا لي ميت عليه غلاكم ؛ واللي تريح نقول فيها خيرا ؛ ماحتى نصبتا نوع في سباكم ؛ عندي نفس عصرانه ودوم كبيرا ؛ وعندي عقل كبرتا وكبير امعاكم ؛ عديم الدباير ياذهيب الشيرا ؛ تيارك شالكم ماهناك من ينهاكم ؛ وكل حد عندا في الحياة خبيرا ؛ نرحل ان مالقيت قدر احذاكم ؛

قولولها من الوقت تأخذ محاذيرها ؛ را كل دار مصادرتها دارها ؛ وقولولها يقطع الله تدبيرها ؛ وذاهبه كان متابعه دبارها ؛ وقولوها في شي واجد يعيرها ؛ کسر خواطر را واعر اجبارها ؛ وقولولها العذار حساد دكاكينها ؛ وطاح من عليه وجه الحقيقي أقمارها ؛ وقولها خلاص عرفت جملة تفاكيرها ؛ قولولها خلاص عررفت لعبة أقمارها ؛ قولولها قريت السر في مناخيرها ؛ قولولها حليت عقدت اسرارها ؛

بعد التعب زعمك الخير يجينا ؛ ولا كليناها وراحت فينا ؛ زعم نرتاحو ؛ يدور الفلك وهمومنا ينزاحو ؛ وتضوى شموع الفرح ف ليالينا ؛ والا نطيحوا كيف هلى طاحو ؛ زعم نتهنو ؛ والجو يصفى كيف ما نتمنو ؛ ونبدو طرابه نضحكوا ونغنو ؛ وفي بيوتنا ترسم أفراح وزينه ؛ والا نعدو عمرنا نستنو ؛ نين التراب يهيلوه علينا ؛

اوقات السكات ايهلبك للعيبه ؛ واوقات واجده قل الكلام ايضر ؛ واوقات يفهموها دروشه مي طيبه ؛ واوقات الطيابه ما تفك الشر ؛ واوقات الزعل تنساه من ترحيبه ؛ واوقات المراحب بالعقول اتغر ؛ واوقات الزمان ايصوقرك في جيبه ؛ وكسرة جناحك تقتلك يا حر ؛ وقل المروه فالنفوس امصيبه ؛ وموت لنغريه هو مرار المر ؛

كدركن وما كان يحمل كدركن ؛ تباعد نكركن ؛ انسيكن قهركن ؛ جفاكن مكركن ؛ خلاكن ملاويع طول ضرركن ؛ وديما مساتيه طايح قمركن ؛ امظلم سماکن ؛ ولا نوم جاكن ؛ ولا امساول قال كلمة افداكن ؛ وابكاكن انكان طال ينهي نظركن ؛ ويا طول داكن ؛ اتموتن وهو دوم قاعد امعاكن ؛ بكاكن وماكان يحمل ابكاكن ؛ وسيب غلاكن ؛ خلاكن رقيق عزمكن ياشقاكن ؛

مرات مانعنيهم ؛ وماني اللي قاصد اندور فيهم ؛ كلامي وكتبته سطور موش عليهم ؛ غافلين يحسابوا المعاني ليهم ؛ تمت الكلمه عندهم مرصوده ؛ من كثر مادارن سوایا ایدهم ؛ كل شي مني ضنهم مردوده ؛ والله عالم كيف نا ناسيهم ؛ وتمن ابوابي شورهم مسدوده ؛

اللي ما عرف قدري عليه اغنيني ؛ يامن امخلي في النفوس كرامة ؛ لاعد ايجي شوري ولا يطريني ؛ ولاعد نكرب من جديد ارمامه ؛ ويوم الملاقا يا الله نسيني ؛ ويوم الوداع وجية الحلامة ؛ ولا نلتفت شوره ولا يلويني ؛ ليل الحنين وطولته وظلامه ؛ الي مارمشله جفن من تهويني ؛ فك العثور على شيء مشابه بره ؛ نا عيلتي لوكان تسكرطيني ؛ نجنح عليها كلها انتعامى ؛ ناخذ خلاي وعزتي تكفيني ؛ ماعد انجي لو ريتا منضامة ؛