ሰዋዊነት (ኢትዮጲያዊነት) 💚💛❤

የሰው ያለህ 👂👂 """"""""""""""""""" የሰው ያለህ የሰው ያለህ----------- ወገን የለም ፣ አንቀላፍቷል አለም ሁሉ በራሱ አለም። ያለ ልምዱ ያለ ስራው ፣ ጭጭ ክትት ብሏል አውራው። ወታደሩም ከምሽጉ መሃል ከቷል ፣ ፍጡር ሁሉ ላይመለስ አንቀላፍቷል። ታዲያ ዛሬ የሚራመድ የሚናገር አካል ብታይ፣ ሰው አትፈልግ ሰው ካለቀ ነው አስመሳይ።

Signed Er ph 😍

ስስት ......... አምና በነጎድጓድ - ካቻምና በመብረቅ ፣ ሲፈትኑኝ ከርመው - ስመታቸው ድባቅ ። ዘንድሮ ግን ባንቺ - መጡብኝ ሸምቀው፣ ስሴና ስስቴ - መሆንሽን አውቀው።

Signed Ayree 😍 🐟

ተመስገን ።።።።።።።። ዑራዔል መልዓኩ ፤ አቅፎ በክንፎቹ ፤ ፅዋውን ሲግተኝ፣ ምስጋና ብቻ ነው ፤ የደጅህ መዓዛው ፤ እጣኑ 'ሚሸተኝ። ቅዱስ ቅዱስ ብሎ ፤ ሁሌም አንደበቴ ፤ ያመሰግንሃል፣ የየብስ የባህሩ ፤ የሰማያት ጌታ ፤ ላንተ ግን ያንስሃል፣ ገናናው መልዓክ ፤ ሰይፉን ሲሰነዝር ፤ ጠላቴን ለመጣል፣ ሰይጣን የዘረጋው ፤ አንተን የከለለኝ ፤ መጋረጃው የታል። የለም ዛሬ መጥፋት ፤ ማንም አይነጥለኝ ፤ ከፍቅርህ አባቴ፣ ሚካዔል ይመጣል ፤ ጠላቴን ረግጦ ፤ ሊጥለው በፊቴ። ታሪክ የምትቀይር ፤ ባለታሪክ አርገህ ፤ የምትሰራ ጌታ፣ ሌላ ምንም አይደል ፤ ተመስገን ብቻ ነው ፤ ለዋልከው ውለታ። ።።።።።።።።።።።።።።።።።።።።።።።።።።።።። ሰዋዊነት (ኢትዮጵያ…

Signed Ayree 😍 🐟

ማርያም ዋሴ ናት ።።።።።።።።።።።።።።። ዝቅ ለክብርሽ እላለሁ፣ ከፍ በፍቅርሽ አምናለሁ። ያመንኩበትም አይዋሸኝ፣ የቀረብኩትም አይሸሸኝ። የጨበጥኩትም አይከዳኝ፣ የሚጠላኝም አይጎዳኝ። ላቤም ልፋቴም አይባክን፣ የዘራሁትም አይመክን። መከራም ቢሆን አልፋለሁ፣ ማርያም ዋሴ ናት እላለሁ፣ ድንግል ክብሬ ናት እላለሁ። ።።።።።።።።።።።።።።።።።።።።። ሰዋዊነት (ኢትዮጵያዊነት)💚💛❤ Ayree የካቲት 23/2016 ቦሌ መድሃኒያለም

Signed Ayree 😍 🐟

ያልፋል ።።።።።። ይህ ክፉ ቀን ያልፋል ከጠቆረው ሰማይ ጨለማው ይነፃል፣ በክዋክት አምሮ ሰማይ ይገለፃል፣ የጎበጠ ሁሉ ከደዌው ይድናል፣ ለወደደ ሁሉ ብርሃን ይሆናል። ይነጋል! ይህ ሌሊት የነጋል፣ ለታገሰ ሁሉ መልካም ይደረጋል፣ የጠየቀ ሁሉ ሃሳቡ ይሆናል፣ ለለመነው ሁሉ አምላክ ይታመናል። ታጋሽ ሰው! በመከራው ዘመን አምላኩን ያልካደ፣ ዕምነቱን ያፀና ህልሙን የወደደ ፣ ለወደደው አንሶ ክብሩን ያዋረደ፣ ሁሉን ላ'ምላክ ያለ እርሱ እንደፈቀደ፣ አምላክም ይለዋል እርሱ እንደወደደ። ።።።።።።።።።።።።።።።።።።።።።።።።።።። ሰዋዊነት (ኢትዮጵያዊነት)💚💛❤ Ayree

ጦርነት በከተማ ።።።።።።።።።።።። ነጋሪቱ ሳይጎሰም ከባድ መሳሪያው ሳይሰማ፣ የጢስ ቦምብ ሳይወረወር ልብ እንጂ ገላ ሳይደማ። የክላሽ ቃታው ሳይወለወል ወታደር ወድቆ ሳይረበረብ፣ በጀት ፈጥኖ ሳይወነጨፍ በድሮን ምድሩ ሳይደበደብ፣ ተራራው ግርጌው ሳይነቃነት የሟች አስከሬን ሳይሰበሰብ፣ ገደል ማሚቶው ሳያስተጋባ በስናይፐር አናት ሳይቀነደብ። ጦርነቱ በከተማ ህዝቡን ሲያስለቅስ አየሁት፣ በታንክና በመድፍ ያይደለ በዘይትና በሽንኩርት። ።።።።።።።።።።።።።።።።።።።።።።።።።።። ሰዋዊነት (ኢትዮጵያዊነት)💚💛❤ Ayree

የኖህ ርግብ ።።።።።።።።።። ልተውሽ ልርቅሽ ልረሳሽ ብሞክር፣ ጭራሽ እያደረ ባሰ ያንቺስ ፍቅር። ብዙ ላላስብሽ በርቀት ስራመድ፣ ጠልፎ ይጥለኛል ፍቅርሽ እንደ ገመድ። ወይም ልቤ ደፍሮ መጥቼ እንዳልነግርሽ፣ እያብረከረከ ሽባ አርጎኛል ፍቅርሽ፣ አልሞክር ለመተው መረሳት የሌለሽ፣ የቀኑም ሳይበቃሽ በሌት ትመጫለሽ። እንቅልፍ አሳጥተሽ ረፍት የምትነሺኝ ፣ አይሆን አትገኚ አይቀር አትረሺኝ። በባዕድ ሃገር ላይ ብቻውን እንዳለ ፣ በተወለድኩበት ልቤ ኮበለለ። እና ምን ትያለሽ! ከቃል የምትፈሪ አንደበተ ቁጥብ፣ ለተጨነቀ ሰው መልዕክት ረሳሽ ወይ አንቺ የኖህ ርግብ። ።።።።።።።።።።።።።።።።።።።።።።።።።።።። ሰዋዊነት(ኢትዮጵያዊነት)💚💛❤ A…

ያኔ መስሎኝ ነበር ።።።።።።።።።።።።። ያኔ መስሎኝ ነበር! እምነትሽ ሲጠፋ ታሪክሽ ሲቀበር፣ ህልምሽ ሲጨናገፍ መንፈስሽ ሲሰበር፣ ገመናሽ በሰው ፊት ሃቅሽ ሲበረበር፣ ያንቺ ክብር ሲጎድፍ እኔ የምከበር፣ ያኔ መስሎኝ ነበር! ዕልፍ ሌሊቶችን ከፍቶሽ ስታነቢ፣ የንባ መስዋዕትሽን ላምላክ ስታቀርቢ፣ ጉንጭና ከንፈርሽን በደም ስትቀቢ፣ አንጀትሽ ሲቃጠል ስትንገበገቢ። ቀልብሽ ሲበታተን ሲረግፍ እንደ ጤዛ፣ ፊትሽ ሲገረጣ መልክሽ ሲጠነዛ፣ ያኔ መስሎኝ ነበር እኔ የምወዛ። ግና እንኳ ልወዛ እንኳንስ ሊያምርብኝ፣ ይሄ ሁሉ ስቃይ ባንቺው ደረሰና በኔው ላይ ሆነብኝ። ።።።።።።።።።።።።።።።።።።።።።።።።።።።። ሰዋዊነት (ኢትዮጵያዊነት)💚💛❤ Ayr

ሰው ።።።። እግር የሌለው ሰው እግር ይሰጠው ዘንድ ወደ እግዚዓብሔር ዓየ፣ ፈጣሪም ሰማና እግርን ቢሰጠው ለበቅሎ ፀለየ። አምላክም ሳይሰስት በቅሎውንም ሰጠው እንደ ሃሳቡም ዋለ፣ ይሄም ስላልበቃው ሁሉን አውቅበት ዘንድ አምላክ ልሁን አለ። ።።።።።።።።።።።።።።።።።።።።።።።።።።።። ሰዋዊነት (ኢትዮጵያዊነት)💚💛❤ Ayree

የተወጋ አይረሳም ============ ደራሲው ለመፃፍ ብዕር አነሳና፣ ነጩ ወረቀት ላይ በቀለም ቀባና። ፀዓዳውን ገ'ፎ መልኩን አጠቆረው ፣ በብረት ካዝና ውስጥ ስድሳ አመት አኖረው። ኋላም የፃፈውን በሃያ ዘመኑ፣ አመታትን አልፎ ደረሰና ቀኑ። ዛሬ ከፍቶ ሲያየው በሰማኒያ አመቱ፣ የገደለን ግደል ይላል ወረቀቱ። ።።።።።።።።።።።።።።።።።።።።።።።።።።።። ሰዋዊነት (ኢትዮጵያዊነት)💚💛❤ Ayree

አልፈራም ======== ዝም አስብሉኝ ከቻላችሁ፣ ኑ ሞክሩኝ ክንድ ያላችሁ። ከሰገባው ጦር ምዘዙ፣ ባንዱ እጃችሁ ጋሻ ያዙ። ለክተት አዋጅ ለፍፉ ፣ ጦራችሁን አሰልፉ። ዝመቱብኝ ፎክሩና፣ እኔ'ንደሁ ሞትን አልፈራም ከጌታዬ ጋር ነኝና ከክርስቶስ ጋር ነኝና!! ።።።።።።።።።።።።።።።።።።።።።።።።።።። ሰዋዊነት (ኢትዮጲያዊነት) 💚💛❤ Ayree ቤተሰብ ይሁኑ 👇👇👇 https://t.me/sewawinetethiopiafikeryashenfal

ተራ ሁላ ።።።።።።። ከተፃፈላችሁ በቀር መመርመርን የማታውቁ፣ በራሳችሁ ዐይን ግንድ ውስጥ በሰው ጉድፍ የምትስቁ፣ በሰው መሃል ተከባችሁ ከሰው mile የምትርቁ፣ ለራስ በረት የሌላችሁ የሰው ጎጆ የምትንቁ፣ በቃላችሁ የምትፀድቁ በፈተና የምትወድቁ፣ በፍቅር ውስጥ የማትሰጥሙ ከተኛችሁ የማትነቁ። መቼም ታሪክ የማትሰሩ ታሪክ ራሱ የማያውቃችሁ፣ ዛሬ በኔ የምትስቁ 'ማትታዩኝ ተራ ናችሁ!! ።።።።።።።።።።።።።።።።።።።።።።።።።።። ሰዋዊነት (ኢትዮጲያዊነት) 💚💛❤ Ayree ቤተሰብ ይሁኑ....👇👇👇 https://t.me/sewawinetethiopiafikeryashenfal