حُروف َ مُبَعًثًرة _huruf mubaeatharuh 🥀

بلاش تلوم جدك الله يرحمه الفيلا اللي كانت ب ٥٠٠ جنيه ومشترهاش و مرتبه كان نص جنيه زي ما الفيلا النهاردة ب ١٠ مليون جنيه ومرتبك ٧٠٠٠ جنيه ووجبة .. انت و جدك على الله

عامل الناس بثلاث من لم تنفعه فلا تضره ومن لم تفرحه فلا تحزنه ومن لم تمدحه فلا تذمه،،

حاول تتعلم إنك متتعاملش مع اللي قدامك على اساس إنه عنده نفس قلبك واخلاقك ومبادئك.

لما تيجي تختار، اختار ناس تبقي شبهك وشبهك دي مفيهاش أي طبقية خالص لا، شبهك دي معناها شبه أخلاقك، شبه قيمك ومبادئك، شبه تربيتك وفكرك، شبهك في العطاء وفي تصرفاتك ناس شبهك في علاقاتك الأسرية والاجتماعية، وفي طريقة عيشتك، والأهم من كل ده، ناس تبقي شبهك وقت الزعل والخلاف اختار اللِّي شبهك علشان لو اخترت حد مش شبهك، هتفضل طول عمرك حاسس إنك غريب وسطهم، وهتقضي بقية حياتك بتدور على اللِّي شبهك.

الحب والكُره مش المقياس الوحيد ابدًا عشان يخليك تاخد حذرك من الناس! ممكن يكون حد بيكرهك، بس معاييره الأخلاقية توقفه عند أي نقطة فيها أذي ليك.. وحد يكون بيحبك، ولما يقلب عليك يكون اوحش من أسوء عدو ليك! قبل ما تدخل مشاعرك في تقييم الناس، اعرف أخرهم إيه و حدودهم اللي مش هيتخطوها مهما حصل.

من الحاجات اللي أنا obsessed بيها ف نفسي إني مابنزلش لمستوى حد ف المشاكل عايز أنتَ تطلع لمستوايا ونحل المُشكلة بطريقة مُحترمة أهلًا وسهلًا بيك؛ لكن لو هتقضيها تلقيح وأسلوب بيفتقر للأدب فا بالتوفيق أنتَ بالظبط كأنك بتتخانق مع نفسك أنا مش طرف ف مُشكلة مع حد قليل الأدب ولا هكون وصدقني آخر همي أحل خلاف مع حد بالمستوى ده أنا بختار أعدائي كويس زي ما بختار حبايبي؛ ده شَرف كبير مش كُل الناس تستحقه🤎

أزاي تعرف قوة العلاقة بين أتنين؟ محدش يعرف خلافاتهم

..

يعني اجي اواسيك تقول شكلها هترسي ع الكليه بتاعتك طب يارب تلحق تخشها

بس مشوار العمر يستاهل حد مُخلص يؤتمن وبيخاف عليكي، وبيعرف يحل ويواجه ويعمل مجهود.

مبحبّش أحسب كلّ كلمة قبل ما أتكلم مع حد، ولا أفضل خايف من إن كلمة تتفهم غلط أو تتاخد عليّا العِشرة الحقيقية ميبقاش فيها ترصّد للهفوات، ولا انتظار للزلات، اللي بينا المفروض يبقى أوسع من كده، وفي مساحة للتلقائية والراحة لو مش هتعرف تتعامل معايا بسماحة، ولو مش هقدر أكون على طبيعتي معاك من غير تكلّف، يبقى الصحبة دي ناقصها أهم حاجة؛ الأُنس والقبول.

متضيعش وقتك في إثبات حُسن نيتك لحد فيه ناس مهما شرحت، ومهما بررت، ومهما حاولت توضح نيتك هتشوفك بالطريقة اللي هي مقتنعة بيها من الأول لأن المشكلة عمرها ما كانت في كلامك، المشكلة في الطريقة اللي هما اختاروا يفهموك بيها اللي عايز يفهمك… هيسمعك واللي قرر يحكم عليك، هيعتبر أي كلمة منك دليل على اللي هو مقتنع بيه أصلًا.