ግጥም

አፍቃሪ_ያሳጣሽ ካለሽ ውበት በላይ አምረሽ ተኳኩለሽ ከቤት ስትወጪ እንደ ፀሀይ ደመቀሽ በምቴጂው መንገድ.. ከአንድ አንቺ በስተቀር ሰዎች አይኑሩበት አንቺን የማይነካም ወጥመድ ይዙርበት። ተወለጋገጂ ስተሄጅ በመንገዱ ማንም አይመኝሽ ለወዳጅ ዘመዱ። ያርግሽ ነገረኛ ከሰው አትስማሚ ለሚመለከትሽ መሳይ ሁኝ ታማሚ። ብቻ... የኔ ሰሞነኛ የዘወትር ፀሎቴ ይህ ነው አለሜ ውዳሴ ዳዊቴ። ምክኒያቱም አለሜ ስስቴ ሁነሻል በልቤ ማሳ ላይ ውብ ፍቅርን ዘርተሻል። እናም.. በይ እስኪ እወቂ የልቤን ውስጥ እውነት በፍቅርሽ ደክሜ እንዳጣሁኝ ገሉበት አንቺን ለማግኘት ስል እንደገባሁ ስለት አንቺን እያሰብኩም ከቤተ መቅደሱ አሀዱ እንዳሉ መስቀል ይዘው ቄሱ። ብቻ... …

#ያንች_ሁኜ_ልቅር ከይቅርታ በላይ?፤ ከመፀፀት በላይ?፤ ምንድን ነገር አለ በምረት የሚታይ?፤ እስኪ ጀሮ ስጭኝ አንድ ታሪክ ልንገርሽ፤ ጌታ ባካል ሳለ ምን ሆነ መሰለሽ፤ በፈጣሪ ጥበብ በውበቷ ኮርታ፤ የሰማዩን ሳይሆን የታች ቤቷን አይታ፤ አዳምን አማላ አዳምን እረታ፤ በሀጽያት ተዘፍቃ ዝሙትን አስፋፍታ፤ ትኖር ነበር አሉ በዚህ በኛ ምድር፤ መቅደላዊት ሚሏት ወጣ የምታድር፤ እናም የኔ እመቤት.... ያች ሀጽያተኛ በሰው የተገፋች፤ በርሱ ህግ ሳይሆን በርሷ ህግ የኖረች፤ ጥፋቷ ሲገባት ኳላ ተፀፀተች፤ እንባዋን አዝርታ አምላኳን ለመነች፤ ይቅርታ፣ ይቅርታ፣ ይቅርታ እያለች፤ እናም ይቅር አላት፤ ፍቅርና ምህረት ደርቦ አስተማራት፤ ውዴ.... በጅ የያዙት ወ…

👏2

#ለከርሞ_ልጠብቅ! ክሴን የሚሰማ አድማጭ ዳኛ ጠፍቶ ይግባኝ በል ይሉኛል የቀደመው ቀርቶ ቀድሞ ፍትህ ጎድሎ ሚዛኑ በገንዘብ ሰሚ ጆሮ የለም ይግባኝ ቢደራረብ ችሎት ቢለዋወጥ ፍትህ ካልነገሰ አውነት እንደጥንቱ በገንዘብ ካነሰ እንዳምና ታቻምናው ድሐ ካለቀሰ ጥጋበኛ በዝቶ ወንበር ከረከሰ አቤት ቢባል ያው ነው የጅብ ቆዳ ክራር እንብላው ነው ዜማው የት ሊገባው ፍቅር እባብ እያራቡ የእርግም ጫጩት የለም ይግባኝ በል አትበሉኝ በቃ ችየው ልክረም አምና ከፈረደው የዘንድሮው ብሶ ሲረክስ እያየሁ እውነት ዛሬም አንሶ ስንት ዶሴ ቀርቷል አቧራውን ለብሶ ላይረታ በከንቱ ድሐ ሀብታም ከሶ ገና ከጅምሩ ፍርድ ሚዛን ከሳተ ዋናው ጉዳይ ቀሎ እየተጓተተ በይግባኝ አልረታም ልተወው…

👍2

#እጠብቅሻለሁ እጠብቅሻለሁ ካለሁበት ቆሜ ሀሳብና ናፍቆት ፍቅርን ተሸክሜ እዛው ቦታ አለው እኔን ከተውሽበት እኔንም ፍቅርሽን ጥለሽ ከሄድሽበት እጠብቅሻለሁ ደቂቃም ሳላጎል ምንስ ደህና ባልሆን ሰላሜ ቢታጎል እዛው አለው ፍቅሬ ያኔ ከቆምንበት ትተሺኝ መሄድሽን ምንስ ባላምንበት ቆሜ ስጠብቅሽ ጭራሽ ቀን አልመርጥም እሁድ አልል ሰንበት እጠብቅሻለሁ ፍቅሬ እዛው ሰፈር ጥለሽኝ ከሄድሽበት ብለሽ አይንህ ላፈር እጠብቅሻለሁ ዳግም መምጣትሽን ምን ልቤ ቢሰጋ፤እንዲያበቃን በማሰብ ዳግም ለአይነ ስጋ እዛው…

❤2

#የታል_ፈገግታዬ ያንን ጣፋጭ ጊዜ፣ምን ዋጠው ደስታየን የታል ፈገግታየ፣ምን ወሰደው ሳቄን እንቅልፌስ የት ሄደ፣ቅዠት የሌለበት አይኖቼ ለ እረፍት፣የተከደኑበት ከቶ ወዴት ገባ፣የመስኩ ቡረቃ ስዘል የዋልኩበት፣እያቦካሁ ጭቃ ዛሬማ ጭንቅ ነው፣ኑሮ በሰቆቃ መልኬም ይናገራል፣ምቾት እንደሌለኝ ሀሳቤ ተሰርቆ፣ለተመለከተኝ ድሮን በመለስኩት፣የልጅነት ወዜን ድሎት የሞላውን፣ያቺን ነፃነቴን ጊዜው ተሰደደ፣ሂዷል አሁንማ በእናት ነበር ኩራት፣ከሷ ወዲህማ ሳቄም አይበረክት፣ድምፄም አይሰማ።

🔥4

#ከንፈርሽን_ስስመው 💋 ከንፈርሽን ስስመው የአለም ጨለማ በፍቅራችን በርቶ በአብርሃም በሳራ መመሠሉ ቀርቶ ከምድር 'ርቆ በገነት እንዳለ ፍቅር በ'ኔና አንቺ እየተመሠለ ...መስሎ ይታየኛል... ከንፈርሽን ስስመው አባይ ተገድቦ ሲፈስ ወደ አገሩ ፅጌረዳ አበቦች በመስመር ሲዘሩ ባ'በቦቹ መሀል እየተሯሯጥን ከፅጌረዳው ስር ፍለጋ ስኳትን ከንፈርሽን ስስመው ምድርን የሞሏት አበቦቹ ሁሉ ጣፋጭ ከንፈርሽን መስለው የበቀሉ ወደ ገነት ደሴት ሲወስደን ባቡሩ ወፎች ለ'ኔና አንቺ ፍቅር እየዘመሩ ...መስሎ ይታየኛል... ከንፈርሽን ስስመው አለም ለ'ኔና አንቺ ግብር እየከፈለ ለሁሉ 'ሚበቃ ፍቅር እየታደለ ሠማይን የሞሉት ከዋክብቱ ሁሉ ው…

👍2

ዝምታ ሲደመጥ አቤት! ጩኸቱ ዝምታ ጆሮ ጠልዞ ናላ ሲመታ ከወዲያ ወዲህ ሲያላጋ በሞገዱ ቋጥኝ ሲያናጋ ነጎድጓድ ነው ነው ዝምታ የገዛ ራስ ጉርምርምታ የደምን ፋፋቴ ጉዘት የልብን ህይወታዊ ዑደት እንደጢስ አባይ ፏፏቴ ቅኝት ሰማይ ሰቅሎ ዶሎ አዘቅት ያኖጋዋል ሲያዳምጡት በሁካታ ዉስጥን ሞልቶ በፀጥታ ነፍስ ዘርቶ ከአፅናፍ አፅናፍ አስተጋብቶ እንኳንማ ጆሮ ቀርቶ ይደመጣል ባይን ገብቶ ነጎድጓድ ነው ዝምታ የገዛ ራስ ጉርምርምታ እንዳፍላ ጎርፍ ይነደፋል ሳይቀዝፍ ያጓጉዛል ታገር አገር ያዘልላል ማሚቶ አለዉ ይመልሳል ነጎድጓዱ ዝምታ የገዛ ራስ ጉርምርምታ።

👍2

የኔ የዋህ የበደልኩሽ አኔ አንቺ ምን አጠፋሽ፡ ለፍቅራችን ብለሽ ሳትሰለቺ ለፋሽ፡ ትክክል ነሽና ፈጵሞ እንዳይከፋሽ። አሁን ገባኝ ውዴ ደርሶኛል መከራው፡ ዛሬ ተወይሮ የኔ ሆኗል ተራው፡ ወዳጅ ሲርቅ ለካ እንዴት ነው ሚያስፈራው። አስጨርሰሺኛል ታግሰሺኝ ብዙ፡ እናም ይገባኛል ማዘን መተከዙ፡ በራሴ ችግር ነው የመጣው መዘዙ። ተደላድለሽ ተኚ አንቺ ምን አለብሽ፡ ሐቅና እውነትን ስለያዘ ልብሽ፡ ሁሉ ሙሉ ላንቺ ምንም አይጎልብሽ። ይብላኝ እንጂ ለኔ ሰላሜን ላጣሁት፡ ለዘላለም ፀፀት ራሴን ለሰጠሁት፡ ደስታዬን አብርሬ ሀዘን ላመጣሁት። ምኞትሽ ይሳካ ህልምሽ ይስመርለሽ፡ ህይወትሽ ትለምልም ታብብ ትመርልሽ፡ የልብሽን መሻት ሁሉ…

👍3

....................✍ ስስት የማያቅ ለጋስ ነዉ ማጀትሽ ከሩቅ ይጣራል የናትነት አንጀትሽ እኛ እብቅ ሆንን ነዉ ካንቺ አልጎደለ በአበባሽ ፈንታ አሜኬላ የበቀለ አንጂማ .............. ፈቅርሽ ከሩቁ በናፍቆት ይጣራል አንቺ ሙሉ ሆነሽ ሳለ ግና እኛ ጎለናል ሰምና ወርቅሽን ሳንለይ ባዉሎ ሜዳ ቅኔናት እንላለን አወየዉ የኛ ፍዳ ካላዋቂዉ ጋራ እኩል ተሰልፈን ቁና እንተነፍሳለን ላለመስራት ሰንፈን

👍3

#ከኔ_የተሻለች :: እኔ ምፈልገው ሁሉ ነገር አለሽ፣ ከሌሎቹ እንስት አንቺ ትለያለሽ፣ ስቀርብሽ ቀርበሽኝ ስትዋሺኝ አመንኩሽ፣ ከራሴ አስበልጬ አንቺን አፈቀርኩሽ፣ ማፍቀሬ እውነት ነው መፈቀሬ እምነት፣ አምኖሽ ነበር ልቤ በሙሉ ቅንነት፣ "የኔ ጌታ" ስትይ ልቤ ይረጋጋል፣ "አስመሳይ ነሽ" ብሎ አልጠረጠረሽም ፍቅር በግ ያደርጋል፣ ምን ባልችልም እንኳ ከልብሽ ላይ መንገስ፣ አላቆምሽ ሸንጎ በፍቅር ስም አልከስ፣ ደሞ ቸር ይመስል ታስተዛዝኛለሽ፣ በተስፋ ስጠብቅ ጥለሽ ትሄጃለሽ፣ "ከኔ የተሻለች ይገባሀል" ብለሽ ትተሺኝ ሄደሻል፣ ካንቺ የተሻለች ለኔ አንቺ ብቻ ነሽ ቅኔው ይገባሻል።

👍2🔥1

** በደል የለመደች ያያት የሚገፋት፣ የቀረባት ሁሉ ላይዘልቅ የሚያለፋት፣ ሰው የማይቆይላት ቀርቧት እየሼሸ፣ ጀመርኩት ያለችው እየተበላሸ፣ ብዙ የደከመች ፍቅርን ፍለጋ፣ በወደደቻቸው ልቧ የተወጋ፣ ልክ እንደ ሌሎቹ ... መልክ ሴትነቷ አካሏ 'ሚማሰል፣ ላዳም ያልተሰጠች ሄዋን አለች መሰል፡

👍2👏1

Channel name was changed to «ግጥም»